Trent: «Hali ham «Liverpul»ning barcha o‘yinlarini tomosha qilaman»

Madridning «Real» klubi futbolchisi Trent Aleksander-Arnold o‘zining sobiq jamoasi – «Liverpul» faoliyatini hamon faol kuzatib borishini tan oldi.

Angliyalik futbolchi o‘tgan yilning yozida «qizillar» safidan Madridga ko‘chib o‘tgan edi.

«Men «Liverpul»ning barcha o‘yinlarini ko‘rishda davom etaman, jamoaga muxlislik qilaman va unga doim muvaffaqiyat tilayman. Nima bo‘lishidan qat’i nazar, qalbimda «Liverpul» uchun alohida o‘rin bo‘ladi. Bu mening uyim. Klubning men uchun qilgan ishlarini doimo qadrlayman», – deydi Aleksander-Arnold Mirror nashriga bergan intervyusida.

Ma’lumot uchun, Trent Madridga ko‘chib o‘tishidan avval mersisaydliklar safida 354 ta o‘yin o‘tkazgan. 27 yoshli o‘ng qanot himoyachisining «Real» bilan shartnomasi 2031-yilgacha mo‘ljallangan.