Тransfermarkt портали 2026 йилги Жаҳон чемпионатида иштирок этмайдиган энг қиммат футболчилардан иборат рамзий жамоани эълон қилди.
Турли сабабларга кўра — миллий жамоаларининг мундиалга чиқа олмагани, жароҳатлар ёки мураббийлар қарори туфайли турнирни ўтказиб юборадиган футболчиларнинг умумий бозор қиймати 875 миллион еврони ташкил этади.
Рамзий жамоада энг кўп вакилликка Италия эга. Тўрт нафар италиялик футболчи, жумладан дарвозабон Жанлуижи Доннарумма ҳам мундиалда қатнашмайди. Бунга Италия миллий жамоасининг саралашдан ўта олмагани сабаб бўлган.
Жаҳон чемпионатидан четда қолган футболчилар орасида энг қиммат ўйинчи сифатида грузиялик вингер Хвича Кварацхелия кўрсатилди. Унинг трансфер қиймати 140 миллион еврога баҳоланмоқда.
Шунингдек, инглиз футболчиси Коул Палмер ва испаниялик Фермин Лопес ҳам 100 миллион евролик қиймат билан рўйхатнинг юқори қисмидан жой олди.
Тransfermarkt талқинига кўра ЖЧ-2026ни ўтказиб юборадиган энг қиммат футболчилар рамзий жамоаси:
Дарвозабон:
Жанлуижи Доннарумма (Италия) — 45 млн евро.
Ҳимоячилар:
Федерико Димарко (Италия) — 50 млн евро,
Риккардо Калафёри (Италия) — 55 млн евро,
Алессандро Бастони (Италия) — 65 млн евро,
Юрриен Тимбер (Нидерландия) — 70 млн евро.
Яримҳимоячилар:
Доминик Собослаи (Венгрия) — 100 млн евро,
Фермин Лопес (Испания) — 100 млн евро,
Коул Палмер (Англия) — 100 млн евро,
Хвича Кварацхелия (Грузия) — 140 млн евро.
Ҳужумчилар:
Бенямин Шешко (Словения) — 75 млн евро,
Виктор Осимҳен (Нигерия) — 75 млн евро.
