Ўзбекистон чемпионатида март ойининг энг яхшилари аниқланди.
Энг яхши футболчи деб «Нефтчи» ҳужумчиси Стипе Перица топилди. Хорватиялик форвард ўтган ойда 4 ўйинда 4 та гол урди. У Суперлига тўпурари бўлиб турибди.
Энг яхши мураббий сифатида «Нефтчи» устози Ислом Исмоилов эътироф этилди. Ёш мутахассис Фарғона клуби билан 4 та ўйинда ҳам ғалаба қозонди. Тўплар нисбати — 12:1.
Энг чиройли гол номинациясида «Бунёдкор» ҳимоячиси Наримон Аҳмаджонов ғолиб бўлди. Унинг ОКМК (1:0) билан ўйиндаги суперголи март ойидаги голлар орасида тенгсиз деб топилди.
