«Истанбул Башакшеҳир» ҳужумчиси Элдор Шомуродов клубини ўзгартириши мумкин. Бу ҳақда Metaratings интернет-портали хабар берди.
Манбага кўра, ўзбекистонлик 31 ёшли футболчининг хизматларига Саудия Арабистони клублари қизиқиш билдирмоқда.
Таъкидланишича, ҳозирда Шомуродовни Туркияда ҳамма нарса қониқтирмоқда. Бироқ, фойдали таклиф тушса, у клубини ўзгартиришга тайёр.
Элдор янги клубда тахминан 3 миллион евро маош олмоқчи. Шу билан бирга, «Истанбул» ўзбекистонлик ҳужумчи учун 8,5 миллион евро ишлаб олишни режалаштирмоқда.
Ўтган мавсумда Шомуродов Туркия чемпионатининг икки энг яхши тўпураридан бирига айланди. У «Истанбул»да ижара асосида ўйнаган, аммо шу ёзда турк клуби ҳужумчини «Рома»дан тўлиқ сотиб олди.
