Жейдон Санчо фаолиятини Европадан ташқарида давом эттириши мумкин.
Foot Mercato хабарига кўра, 26 ёшли англиялик вингерга Қатарнинг «Ал Райян» клуби қизиқиш билдирмоқда. Манбага кўра, саккиз карра мамлакат чемпиони футболчига расмий шартнома таклиф қилган ва ҳозир унинг жавобини кутмоқда.
Аввалроқ Санчо фаолиятини Англияда давом эттиришни истаётгани ҳақида хабарлар тарқалганди.
Маълумот учун, Жейдон Санчо ушбу ёзда «Манчестер Юнайтед»ни шартномаси якунлангач тарк этди. Ўтган мавсумни у ижара асосида «Астон Вилла»да ўтказиб, барча мусобақаларда 39 та баҳсда майдонга тушди, 1 та гол урди ва 3 та голли узатмани амалга оширди.
