Франция миллий жамоаси ҳимоячиси Вилям Салиба 2026 йилги жаҳон чемпионати яримфинал босқичида Испанияга қарши ўйинда (0:2) оғир жароҳат олди ва 2027 йилгача майдонга қайта олмайди. Бу ҳақда L’Equipe нашри хабар берди.
Маълум қилинишича, Салиба Испанияга қарши баҳсда олган бел жароҳати туфайли 4 ойдан 6 ойгача сафдан чиқди. Франциялик футболчига жарроҳлик амалиёти ва узоқ тикланиш жараёни талаб этилади.
Қайд этилишича, Вилям жаҳон чемпионати бошланишидан аввал ҳам кучли оғриқлардан шикоят қилган, аммо шунга қарамай ўйнашда давом этган.
2025/2026 йилги мавсумда Салиба «Арсенал» сафида иштирок этиш мумкин бўлган 63 учрашувнинг 50 тасида майдонга тушди. У жамоанинг АПЛда чемпион бўлиши ва Чемпионлар лигаси финалига чиқишида катта ҳисса қўшди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади