«Манчестер Юнайтед»нинг собиқ футболчиси Рой Кин клуб дарвозабони Сенни Ламменсни жамоанинг ҳозирги муаммоларидан бири сифатида кўрсатди.
«Гап «Манчестер Юнайтед» ҳақида борар экан, дарвозабон жамоага қимматга тушяпти, шундай эмасми? Ўтган йили у жуда яхши ўйнаган эди», — деди Кин The Overlap подкасти эфирида.
Эслатиб ўтамиз, Ламменс 2025 йилнинг ёзида «Антверпен»дан «Манчестер Юнайтед»га кўчиб ўтган. У 2026/2027 йилги мавсум бошидан асосий дарвозабонга айланди.
Футболчининг клуб билан шартномаси 2030 йилнинг ёзига қадар мўлжалланган. Transfermarkt портали маълумотларига кўра, унинг трансфер қиймати 35 миллион еврони ташкил этади.
Маълумот ўрнида, «қизил иблислар» барча мусобақалардаги сўнгги 12 та учрашувда атиги икки марта ғалаба қозонди. Бу ғалабалар «Сабаҳ» ва «Ипсвич»га қарши баҳсларда қайд этилган.
Аввалроқ Кин Кэррикни «Борнмут» билан баҳсдан кейин истеъфога чиқаришларини кутгани ҳақида гапириб ўтганди.
