«Манчестер Сити» яримҳимоячиси Родри яқин кунларда «Барселона» сафига қўшилиши кутилмоқда. Бу ҳақда журналист Жек Гаган хабар берди.
30 ёшли футболчи аллақачон «кўк-анорранглилар»нинг таклифини қабул қилган. Энди у клублар ўзаро келишиб олишини кутмоқда.
Маълум қилинишича, испаниялик футболчи келаси ҳафта «шаҳарликлар» билан машғулот ўтказишни режалаштирмаяпти. Чунки ўша вақтга келиб унинг «Барселона»га трансфери расмийлаштирилишига ишонмоқда.
Қайд этилишича, «кўк-анорранглилар» Родри учун 70 миллион евро таклиф қилишга тайёр, «Манчестер Сити» эса 80 миллион евро атрофида маблағ талаб қилмоқда. Шунга қарамай, томонлар яқин вақт ичида келишувга эришиши мумкин.
Аввалроқ «Барселона» Родри учун учинчи таклифни тайёрлаётгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади