Мадриднинг «Атлетико» клуби футболчиси Тиаго Алмада клубини алмаштириш арафасида турибди. Бу ҳақда Atletico Universe хабар берди.
Аргентина миллий жамоасининг 25 ёшли вакили яқин кунларда ватанига қайтади. «Ривер Плейт» қарийб 22 миллион еврога тенг трансферни якунлаш арафасида.
Томонлар битимнинг сўнгги тафсилотларини келишиб олиши қолган. Трансфер якшанбага қадар расмийлаштирилиши кутилмоқда.
Маълумот ўрнида, Тиаго ўтган ёзда Бразилиянинг «Ботафого» клубидан «матрасчилар» сафига қўшилганди. У Диего Симеоне жамоаси сафида жами 40 та учрашувда майдонга тушиб, 4 та гол урди ва 2 та ассист амалга оширди.
Аввалроқ «Атлетико» Осимҳеннинг трансферидан воз кечгани маълум қилинганди.
