«Реал» вингери Винисиус Жуниор клуб билан келаси ёзда якунига етадиган шартномасини узайтириш бўйича келишувга эришди. Бу ҳақда журналист Рамон Алварес хабар берди.
Маълум қилинишича, янги шартнома 2031 йилгача амал қилади. Бунгача Винисиусга Лондоннинг «Арсенал» клуби қизиқиш билдираётгани ҳақида хабар берилганди.
Унда айтилишича, агар «Реал» футболчи билан янги шартнома борасида келиша олмаганида, «тўпчилар» «қаймоқранглилар»га расмий таклиф билан чиқишга тайёр эди.
Маълумот ўрнида, Винисиус 2018 йил ёзидан буён «Реал» шарафини ҳимоя қилиб келмоқда. У Мадрид клубига Бразилиянинг «Фламенго» жамоасидан 45 миллион евро эвазига кўчиб ўтган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади