«Реал» Федерико Валверде ва Орелиен Чуамени ўртасидаги жанжал бўйича расмий баёнот берди.
«Реал Мадрид» футбол клуби эрталабки машғулот пайтида Федерико Валверде ҳамда Орелен Чуамени ўртасида рўй берган вазият юзасидан суриштирув ишларини бошланганини маълум қилади. Ўрнатилган ички тартиб бўйича жараёнлар ўз ниҳоясига етгач, ўрганишлар натижаси клуб томонидан ўз вақтида эълон қилинади», - дейилади хабарда.
Аввалроқ футболчилар машғулот вақтида кийим алмаштириш хонасида жанжаллашганди. Натижада уругвайлик футболчи стол устига йиқилиб, касалхонага олиб кетилган. У ерда футболчига чок тушгани борасида маълумотлар пайдо бўлганди.
Клуб шифоколари тасдиқлашича, Валверде бош қисмидан жароҳат олган ва «Барселона»га қарши ўйнамайди. Футболчининг тикланиши учун 10-14 кун вақт керак бўлади.
