«Барселона» ҳужумчиси Рафиня «Атлетико» форварди Хулиан Алвареснинг амалга ошмай қолган трансфери ҳақида фикр билдирди.
Ўтган ёзда аргентиналик ҳужумчи «Барселона»га ўтишни истаган ва Мадрид клубини тарк этиш ниятини очиқ билдирган. Бироқ «Атлетико» раҳбарияти футболчини қўйиб юборишдан бош тортган.
«Ростини айтсам, «Атлетико»нинг Хулиан бўйича қарорини тушунмайман. Ўзингни ноқулай ҳис қилганингда, имкониятларингни тўлиқ намойиш этиш ва бор диққатинг билан ишлаш жуда қийин.
У кетишни ва бизга қўшилишни истаётганини аниқ билдирди. Нега улар бундай футболчини қўйиб юборишни истамаётганини тушунаман, аммо бу вазиятда улар ҳаддиларидан ошишди», — деди Рафиня.
Маълумот ўрнида, ҳозирда Transfermarkt портали Алвареснинг трансфер нархини 120 миллион еврога баҳоламоқда. Аввалроқ Хулиан январ ойидаёқ «Барселона»га ўтмоқчи экани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади