Дортмунднинг «Боруссия» клубида тўп тепаётган Карим Адейеми ёзги трансфер ойнасида жамоасини ўзгартириши мумкин.
ТEАМtalk тарқатган хабарга кўра, 24 ёшли германиялик футболчи учун асосий даъвогарлар «Манчестер Юнайтед» ҳамда «Челси» ҳисобланади.
Манбада айтилишича, манчестерликлар Чемпионлар лигасидаги иштирок трансфер масаласида муҳим рол ўйнашига умид қилмоқда. Лондон клуби эса аллақачон футболчи вакиллари билан алоқа ўрнатган.
Шунингдек, Адеемининг вазиятини «Ливерпул» ва ПСЖ ҳам кузатиб бормоқда.
Ҳужумчининг Дортмунд клуби билан амалдаги шартномаси 2027 йил ёзига қадар мўлжалланган. Бироқ томонлар янги битим борасида ҳозирча келишувга эриша олмаган.
Қайд этилишича, «Боруссия» футболчини 60–70 миллион евро атрофидаги таклиф эвазига қўйиб юборишга тайёр.
