«Барселона» клуби ва Испания миллий жамоасининг собиқ футболчиси Нолито Аргентина ҳужумчиси Лионел Мессини қандай тўхтатиш мумкинлиги борасида ҳазил қилди.
Бугун, 19 июл куни, Испания 2026 йилги Жаҳон чемпионати финалида Аргентинага қарши майдонга тушади. Беллашув АҚШнинг Ист-Ратерфорд шаҳридаги «Метлайф» стадионида бўлиб ўтади. Бош ҳакам сифатида словениялик Славко Винчич ишлайди.
«Леога нисбатан ҳурматим баланд, аммо уни қандай тўхтатиш мумкин? Фақат бир неча соат таъсир қиладиган икки дона «ухлатувчи» дротик билан. Бири чап оёғига, иккинчиси ўнг оёғига. Бошқа йўли йўқ. Мессини тўхтатиш жуда қийин. Деярли имконсиз, чунки унинг кучли жиҳатлари жуда кўп.
Ростини айтсам, Мессининг ўйинини томоша қилиш — ҳар бир мухлис учун ҳақиқий завқ. Шунинг учун у майдонда экан, унинг ўйинларидан баҳра олишимиз керак. Леонинг ҳали узоқ йиллар давомида тўп тепишига умид қиламан», — дея Нолитонинг сўзларини келтиради Tribal Football.
