Морган Роналдуни «Барча даврларнинг «Олтин тўпи»га лойиқ деб ҳисоблайди

Телебошловчи Пирс Морган «Барча даврларнинг «Олтин тўпи» мукофотини кимга бериш кераклигини айтди.

Эслатиб ўтамиз, «Олтин тўп» мукофоти таъсис этилганининг 70 йиллиги муносабати билан ташкилотчилар B.O.A.T. (Ballon d’Or Of All Time — «Барча даврларнинг «Олтин тўпи»») соврини учун овоз бериш жараёнини бошлашди.

Номинантлар қаторига ушбу мукофотни камида икки марта қўлга киритган футболчилар киритилган. Улар орасида Лионел Месси, Криштиану Роналду, Роналдо, Марко ван Бастен, Мишел Платини, Карл-Ҳайнц Румменигге, Кевин Киган, Франц Беккенбауэр, Йоҳан Кройфф ва Алфредо Диъ Стефано бор.

Бунда футболчи «Олтин тўп»ни қўлга киритган ҳар бир мавсум алоҳида номзод сифатида кўриб чиқилади.

Бу борада Пирс Морган ўзининг энг яхши уч футболчисини маълум қилди. Унинг рўйхатида биринчи ўринни Криштиану Роналду, иккинчи поғонани Роналдо эгаллади. Учликдан Йоҳан Кройфф жой олди.