«Интер Майами» клуби ва Аргентина миллий жамоаси ҳужумчиси Лионел Месси таниқли нашрлар, жумладан Marca портали талқинига кўра 2026 йилги «Олтин тўп» учун асосий фаворитга айланди.
Бунга унинг ЖЧ-2026 яримфиналида Англияга қарши баҳсда (2:1) иккита голли узатма амалга оширгани сабаб бўлди. Агар Месси мукофотни қўлга киритса, у МЛСда тўп сураётган ҳолда «Олтин тўп»ни ютган илк амалдаги футболчига айланади.
Рейтингида «Бавария» ҳужумчиси Ҳарри Кейн иккинчи ўринни эгаллаб турибди. Кучли бешликдан, шунингдек, «Барселона» вингери Ламин Ямал ҳамда «Реал» ҳужумчиси Килиан Мбаппе ҳам жой олган.
«Олтин тўп»-2026 учун асосий фаворитлар:
Лионел Месси (Аргентина) — 2.50
Ҳарри Кейн (Англия) — 3.50
Ламин Ямал (Испания) — 5.00
Килиан Мбаппе (Франция) — 5.00
Родри (Испания) — 11.00
Жуд Беллингҳэм (Англия) — 11.00
Усмон Дембеле (Франция) — 15.00
Эслатиб ўтамиз, ЖЧ-2026 финалида Лионел Месси бошчилигидаги Аргентина миллий жамоаси Испанияга қарши майдонга тушади. Мазкур баҳс «Олтин тўп» учун курашда ҳам ҳал қилувчи аҳамият касб этиши мумкин.
Мухлислар бу янгиликни Telegram’да муҳокама қилмоқда
Изоҳлар Telegram’да очилади