«Манчестер Сити» Энцо Фернандес трансфери бўйича музокараларни бошлади

«Манчестер Сити» «Челси» яримҳимоячиси Энцо Фернандесни ўз сафига қўшиб олиш имкониятини ўрганмоқда.

Инсайдер Фабрицио Романонинг хабарига кўра, «шаҳарликлар» аллақачон 25 ёшли аргентиналик футболчининг вакиллари билан боғланган. «Манчестер Сити» трансфер бўйича музокаралар ўтказиб, футболчининг нархини пасайтиришга эришишга умид қилмоқда.

Бироқ «Челси» Фернандесни осонликча қўйиб юбормоқчи эмас. Лондон клуби футболчи учун 120 миллион фунт талаб қилмоқда ва айни пайтда аргентиналик яримҳимоячини жамоада сақлаб қолиш вариантини ҳам кўриб чиқмоқда.

Маълумот учун, Энцо Фернандес ўтган мавсум АПЛда 36 та учрашувда майдонга тушиб, 10 та гол урган. «Челси» футболчини 2023 йилда «Бенфика»дан катта трансфер суммаси эвазига ўз сафига қўшиб олган эди.