«Наполи» ҳужумчиси Ромелу Лукаку «Фенербаҳче»га ўтиш арафасида. Бу ҳақда журналист Николо Скира хабар берди.
Футболчининг 2028 йилгача мўлжалланган шартномаси бўйича келишувга эришилган. Шунингдек, унда томонлар шартномани 2029 йилгача узайтириш ҳуқуқи ҳам кўзда тутилган.
Айни пайтда Туркия клуби трансфер нархини келишиб олиш учун «Наполи» билан фаол музокаралар олиб бормоқда.
Маълумот ўрнида, ўтган мавсум футболчи барча турнирларда клуб сафида атиги 7 та учрашувда майдонга тушиб, 1 марта гол урди. Аввалроқ Лукаку фаолиятини MLSда давом эттириши мумкинлиги маълум қилинганди.
