Рафаел Леау «Галатасарой» ва «Астон Вилла» вариантлари орасидан танлов қилмоқда. Даниел Лонгонинг хабар беришича, «Милан» вингери ҳозирча бир қарорга келмаган, аммо Бирмингҳем клубига ўтишга мойил.
«Астон Вилла» футболчини 8 млн еврога ижарага олиб, кейинчалик 42 млн еврога мажбурий сотиб олиш шарти билан трансфер қилишни таклиф қилмоқда. Инглиз клуби Леауга йилига 8 млн евро маош таклиф қилган.
«Галатасарой» эса футболчига йилига 10 млн евро ва бонуслар кўринишида яна 2 млн евро таклиф қилган. Леау туркияликларга ушбу вариантни танлаши учун кўпроқ пул таклиф қилишлари кераклигини билдирган.
Бугун Леаунинг агенти ва «Галатасарой» вакили ўртасида янги учрашув бўлиб ўтиши кутилмоқда.
