“Атлетико” Хулиан Алвареснинг “Барселона”га трансфери бўйича музокара олиб бормаслигини расман маълум қилди. Бу ҳақда футбол инсайдери Фабрицио Романо хабар берди.
Мадрид клуби директорлар кенгаши трансфер масаласидаги позицияни бир овоздан қўллаб-қувватлаган. “Атлетико”нинг таъкидлашича, клуб трансфер бозорида музокараларга очиқ, аммо бу жараён ахлоқий ва профессионал тамойиллар ҳамда клублар ўртасидаги ҳурмат асосида олиб борилиши керак.
“Барселона” эса ушбу талабларга жавоб бермагани сабабли Алварес бўйича ҳеч қандай музокара ўтказилмаган ва бундан кейин ҳам ўтказилмайди.
“Атлетико” Хулиан Алварес клубнинг қарорини тушунишига ва жамоа мақсадларига эришиш учун бор кучини ишга солишига ишонч билдирган.
Аргентиналик ҳужумчи 2024 йил ёзида “Манчестер Сити”дан “Атлетико”га ўтган. У мадридликлар сафидаги икки мавсум давомида жамоанинг асосий футболчиларидан бирига айланган.
Шу тариқа “Барселона”нинг Алваресни қўлга киритиш бўйича имконияти янада мураккаблашди. “Атлетико” эса футболчининг шартномасидаги 500 миллион евро миқдоридаги товон пулига таянаётганини аввал ҳам билдирган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади