Rafael Leau «Galatasaroy» va «Aston Villa» variantlari orasidan tanlov qilmoqda. Daniel Longoning xabar berishicha, «Milan» vingeri hozircha bir qarorga kelmagan, ammo Birminghem klubiga o‘tishga moyil.
«Aston Villa» futbolchini 8 mln yevroga ijaraga olib, keyinchalik 42 mln yevroga majburiy sotib olish sharti bilan transfer qilishni taklif qilmoqda. Ingliz klubi Leauga yiliga 8 mln yevro maosh taklif qilgan.
«Galatasaroy» esa futbolchiga yiliga 10 mln yevro va bonuslar ko‘rinishida yana 2 mln yevro taklif qilgan. Leau turkiyaliklarga ushbu variantni tanlashi uchun ko‘proq pul taklif qilishlari kerakligini bildirgan.
Bugun Leauning agenti va «Galatasaroy» vakili o‘rtasida yangi uchrashuv bo‘lib o‘tishi kutilmoqda.
