Инсайдер Фабрицио Романонинг хабар беришича, «Лацио» Давиде Фраттезини «Интер»дан трансфер қилиш бўйича келишувга эришди.
Фраттези Рим клубига 1 миллион евро эвазига ижара асосида қўшилади. Шартномада футболчини 14 миллион еврога сотиб олиш банди ҳам мавжуд. Ушбу банд футболчининг майдонга тушган ўйинлари сони ёки «Лацио»нинг А Сериядаги якуний ўрнига қараб мажбурий тарзда фаоллашади.
«Интер» шунингдек, Фраттезининг кейинги трансферидан тушадиган маблағнинг 50 фоизини олиш ҳуқуқини сақлаб қолади.
Эслатиб ўтамиз, Давиде Фраттези 2022 йилдан буён «Интер» сафида тўп тепиб келмоқда.
