Чемпионшип якунларига кўра АПЛга йўл олган «Ковентри» ёзги трансфер ойнасида таркибини кучайтиришни режаламоқда.
La Gazzetta dello Sport хабарига кўра, Френк Лемпард бошқарувидаги клуб «Ювентус»да ижара асосида тўп тепаётган Белгия миллий жамоаси ҳужумчиси Лоа Опендага қизиқиш билдирмоқда.
Қайд этилишича, «Ковентри» вакиллари аллақачон футболчи билан боғланиб, унинг Туриндаги вазиятини ўрганишга киришган. Инглиз клуби футболчини ижарага олиш ва кейинчалик сотиб олиш опцияси ёки мажбурий шарти билан келишув тузиши мумкин.
Манбага кўра, Лемпард Опенданинг ўйинини юқори баҳолайди ва уни жамоага олиб келишни истамоқда.
Маълумот учун, 26 ёшли ҳужумчи ушбу мавсумда «Ювентус» сафида барча турнирларда 34 та баҳсда майдонга тушиб, 2 та гол урган. Турин клуби уни ўтган ёзда «РБ Лейпциг»дан 42,75 миллион еврога сотиб олиш мажбурияти билан ижарага олган эди.
