«Наполи» бош мураббийи Антонио Конте яқин кунларда клуб президенти Аурелио Де Лаурентис билан учрашади. Бу ҳақда Il Mattino хабар берди.
Манбага кўра, мутахассис спорт масалаларида тўлиқ ишонч берилмаса, мавсум якунида жамоани тарк этишга тайёр. Шу билан бирга, у Неаполда қолишни истайди, бироқ муросага боришни режалаштирмаяпти.
Қайд этилишича, клуб раҳбарияти таркибни жиддий янгилашни кўзламоқда. Бундан ташқари, Де Лаурентис жамоа мавсум якунида Чемпионлар лигасига йўл олиб, гуруҳ босқичидан чиқишини кутмоқда.
Маълумот учун, Конте 2024 йилдан буён «Наполи»ни бошқариб келмоқда. Айни пайтда жамоа А Cерияда 70 очко билан 2-ўринда бормоқда. Унинг ортидан «Милан» (67), «Ювентус» (65) ва «Рома» (64) жой олган.
