«Боруссия Д» ва «Ливерпул»нинг собиқ бош мураббийи Юрген Клопп Германия миллий жамоасини бошқаришга тайёр. Бу ҳақда инсайдер Фабрицио Романо хабар берди.
Манбага кўра, мураббийлик фаолиятида танаффус қилган Клопп мамлакат миллий жамоасидан таклиф бўлса, уни қабул қилиши мумкин.
Ўз навбатида Юлиан Нагелсманн Германия миллий жамоасидаги фаолиятини давом эттириш истаётганини айтиб ўтган.
Эслатиб ўтамиз, немислар ЖЧ-2026нинг 1/16 финалида Парагвайга ютқазиб, турнирдаги иштирокини якунлади.
