Швеция футболининг афсонавий собиқ футболчиси Златан Ибраҳимович Мексика миллий жамоаси ҳақида илиқ фикрларни айтди.
Унинг айтишича, мексикаликлар ҳозирги пайтгача жаҳон чемпионатида барча жамоалар орасида энг яхши футбол намойиш этди.
«Улар ҳам ҳужумда, ҳам ҳимояда юқори интенсивликда ўйнашмоқда. Биринчи дақиқалардан бошлаб ўйинда ким асосий эканини кўрсатишди, иккита гол уришди, иккинчи бўлимда уларга бироз суръатни пасайтириш керак эди ва улар ғалаба қозонишди. Мексика турнирда ҳозиргача энг яхши ўйинни кўрсатди», — дея Ибраҳимовичнинг сўзларидан келтиради Fox Sports нашри.
Эслатиб ўтамиз, Мексика Эквадорни енгиб, нимчорак финалга чиқди. Эндиликда улар Англия ва Конго ДР беллашуви ғолиби билан тўқнаш келади.
