«Ливерпул» бош мураббийи Андони Ираола Англия Премер-лигасининг 6-туридан ўрин олган «Манчестер Сити»га қарши баҳсдаги (0:3) мағлубият ҳақида фикр билдирди.
«Менимча, ҳаммаси аниқ: бугунги ўйин икки хил кечди. Биринчи қисм 60-дақиқагача давом этди, иккинчиси эса Гравенберҳ майдондан четлатилганидан кейин бошланди. Биринчи қисмда биз яхшироқ ўйнадик, аммо кейин ташаббус рақиб қўлига ўтди.
Гравенберҳнинг четлатилишига келсак, у биринчи сариқ карточкага лойиқ эмасди. Андерсон эса ушбу эпизоддан кейин яна бир неча қадам юрди. Нима учун бу вазиятда сариқ карточка кўрсатилганини тушунмаяпман.
Ҳатто тенг таркибда ҳам «Манчестер Сити»га қарши юқори прессинг қўллаш қийин. Камчилик бўлиб қолганингизда эса ўйин бутунлай ўзгаради. Захира алмашинувидан бироз олдин гол ўтказиб юбордик. Ҳисоб 0:1 бўлиб турганида жамоа бироз бошқача ўйнашга мажбур бўлади», — дея Ираоланинг сўзларидан келтиради BBC Sky Sports нашри.
Мухлислар бу янгиликни Telegram’да муҳокама қилмоқда
Изоҳлар Telegram’да очилади