Биринчи лиганинг 18-тури доирасида «Бунёдкор-2» Самарқандда «Шердор» меҳмони бўлиши лозим эди.
ПФЛ матбуот хизмати хабар берищича, 9 октябр куни «Бунёдкор ФЖ» мазкур сафар учрашувига бора олмаслигини Лигага расман маълум қилди.
«Клуб томонидан тақдим этилган хатда ушбу қарорга молиявий қийинчиликлар сабаб сифатида кўрсатилган. «Бунёдкор» раҳбарияти жамоани сафарга юбориш имконияти мавжуд эмаслигини билдирган.
Шу муносабат билан, Биринчи лиганинг 18-туридан ўрин олган «Шердор» — «Бунёдкор-2» учрашуви ўтказилмайди. Мазкур ҳолат юзасидан Биринчи лига регламентига мувофиқ равишда «Бунёдкор-2»га 0:3 ҳисобидаги техник мағлубият, «Шердор» клубига эса 3:0 ҳисобидаги техник ғалаба ёзилди.
Лига 13 октябр куни ўтказилиши режалаштирилган «Шердор» — «Бунёдкор-2» учрашуви билан боғлиқ барча ташкилий ишларни тўхтатади», - дейилади хабарда.
