«Манчестер Сити» вингери Жереми Доку Англия Премер-лигаси 6-туридан ўрин олган «Ливерпул»га (3:0) қарши баҳсдан сўнг ўз фикрларини билдирди.
Маълумот учун, учрашувда иккинчи голни урган айнан белгиялик фуболчи ажойиб тарзда амалга оширди.
«Натижадан жуда мамнунмиз, чунки бу ерда ўйнаш қанчалик қийинлигини биламиз. Ўйин бошиданоқ жуда кескин кечди. Ғалаба қозонганимиздан барчамиз хурсандмиз. «Энфилд»даги учрашувлар доимо юқори кескинликда ўтади. Бу ерда ҳар доим жуда қийин ва шиддатли ўйинларда иштирок этишимга тўғри келган. Айнан шундай бўлишини кутгандик. Жамоам билан фахрланаман, биз бу вазифани аъло даражада уддаладик», — дея Докунунг сўзларидан келтиради BBC Sport нашри.
Эслатиб ўтамиз, «Манчестер Сити» турнир жадвалида 18 очко билан пешқадамлик қилмоқда.
