«Спортинг» марказий ҳимоячи Ибраҳима Ба трансферини якунлади.
Инсайдер Фабрицио Романо хабарига кўра, барча ҳужжатлар расмийлаштирилган ва футболчи бугун тиббий кўрикдан ҳам муваффақиятли ўтган.
«Спортинг» 21 ёшли ҳимоячини «Фамаликан»дан 20 миллион евро эвазига ўз сафига қўшиб олди. Шунингдек, келишувга футболчининг кейинги трансферидан 20 фоизлик улуш банди ҳам киритилган.
Манбага кўра, Ибраҳима Ба аввалроқ «Страсбур»га ўтиши керак эди. Бироқ у тиббий кўрикдан муваффақиятли ўта олмагани сабаб трансфер бекор бўлган. Эндиликда ҳимоячи фаолиятини Португалияда давом эттиради.
Қайд этиш жоиз, «Спортинг» Ибраҳима Бани ёзги трансфер ойнасида жамоани тарк этган Усмон Диоманденинг ўрнини тўлдириш учун харид қилди.
