Алекс Хименес «Борнмут»дан «Фиорентина»га ўтди.
Флоренция клуби 21 ёшли ҳимоячини сотиб олиш ҳуқуқи билан ижарага олганини эълон қилди.
Аввалроқ тўлиқ трансфер италияликларга 30 миллион еврога тушиши хабар берилганди.
Май ойи бошида «Борнмут» Хименесни вақтинча жамоадан четлатганди. Бунга интернетда ҳимоячининг 15 ёшли қиз билан ёзишмалари скриншотлари тарқалгани сабаб бўлган. Клуб ушбу ҳолат юзасидан ички текширув ўтказган.
Ҳимоячи ўтган мавсумда АПЛда 31 ўйинда майдонга тушиб, 1 та гол урган.
Испаниялик футболчи «Реал» тарбияланувчиси саналади. Унга А Серия ҳам бегона эмас — 2023-2025 йиллар оралиғида «Милан»да ўйнаган.
Хименес А Серияга қайтди
Футбол
16 июл, 18:15
Аввалги мавсумни «Борнмут»да ўтказган «Реал» тарбияланувчиси фаолиятини яна Италияда давом эттиради.
Foto: Fiorentina
