Лондоннинг «Челси» клуби бош мураббийи Хаби Алонсо «Астон Вилла»дан жамоа таркибига Морган Рожерснинг келиб қўшилиши ҳақида фикр билдирди.
«Таркибни шакллантиришда муҳим қарорлар қабул қилишга тўғри келади ва Морган, албатта, улардан бири эди. Бундай даражадаги футболчини ҳозир учун ҳам, келажакни кўзлаб ҳам — сафимизга қўшиб олиш биз учун жуда муҳим эди. У яқин 6-7 йил ичида жамоанинг асосий ўйинчиси бўлади. Ҳозирнинг ўзидаёқ у клубга катта таъсир кўрсатмоқда», — дея Алонсо сўзларидан иқтибос келтирди ВВС.
Футболчи «Астон Вилла»дан лондонликлар таркибига кўчиб ўтиши ҳақида расмий маълумот 21 июл куни эълон қилинди.
Transfermarkt портали бу «Челси» тарихидаги энг қиммат харид эканлигини маълум қилганди. Бундан аввалги рекорд Энцо Фернандесга тегишли эди (121 млн. евро).
Маълумот учун, АПЛ янги мавсумида Рожерс 2 та ўйинда 1 та гол урди ва 1 та голли узатма етказиб бериб улгурди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади