«Бавария» собиқ бош мураббийи Хосеп Гвардиола Бундеслигада бир ўйинга тўғри келадиган очколар сони бўйича энг юқори натижага эга мураббийга айланди. Бу ҳақда Тransfermarkt статистик портали маълум қилди.
Ҳисоб-китобларга кўра, Гвардиола бошқарувидаги «Бавария» ўртача ҳар ўйинда 2,52 очко жамғарган. Рейтингда кейинги ўринларни яна мюнхенликлар мураббийлари эгаллаган — Венсан Компани (2,38) ва Ҳанс-Дитер Флик (2,37).
Шунингдек, кучли ўнликдан қуйидаги мутахассислар жой олган:
Хаби Алонсо («Байер») — 2,33
Оттмар Ҳиттсфелд («Бавария», «Боруссия» Дортмунд) — 2,08
Эдин Терзич («Боруссия» Дортмунд) — 2,06
Луи ван Гал («Бавария») — 2,05
Удо Латтек («Бавария», «Боруссия» Мёнхенгладбах, «Боруссия» Дортмунд) — 2,02
Юлиан Нагелсманн («Ҳоффенҳайм», «РБ Лейпциг», «Бавария») — 2,01
Эрнст Ҳаппел («Ҳамбург») — 2,01
Маълумот учун, Гвардиола «Бавария»ни 2013–2016 йиллар оралиғида бошқарган ва шу даврда 7 та соврин қўлга киритган.
