Бу ҳақда тарихчи журналист MisterChip хабар берди.
Вундеркинд Хилберто Мора Мексика миллий жамоасининг мундиал 1/16 финал баҳсида асосий таркибда майдонга тушди.
Яримҳимоячи жаҳон чемпионатлари тарихида плей-офф босқичида дебют қилган энг ёш футболчига айланди – 17 ёш ва 259 кун. Морадан ҳам кичикроқ ёшда фақат бразилиялик афсона Пеле плей-оффда майдонга тушган – 17 ёш ва 241 кунлик. Бу борада учинчи поғонада испаниялик Гави жойлашган (18 ёш ва 123 кунлик).
Клублар миқёсида Хилберто Мора Мексиканинг «Тихуана» жамоаси шарафини ҳимоя қилади, аммо анчадан буён Европа грандлари эътиборида бўлиб турибди.
