UFC жангчиси Богдан Гусков ярим оғир вазн тоифасидаги энг кучли рақиби сифатида Магомед Анкалаевни айтиб ўтди.
«Яхши янгиликни қабул қилиш учун менга вақт керак эмас. Менежерим Магомед билан жанг қилиш имконияти борлигини айтганида, шундай дедим: «Бу жанг фаолиятим ва ҳаётимни ўзгартириб юбориши мумкин».
Биз машғулот йиғинини уч раундга мўлжаллаб тайёрладик. Беш раунд қандай ўтишини кўрамиз, мен биринчи марта шундай форматда жанг қиламан.
Анкалаев билан жанг Блаховичга қарши баҳсдан ҳам қизиқроқ. Магомед рейтингда 1-ўринда турибди. Бу менинг кимлигимни кўрсатиб берадиган синов.
Мен 33 ёшдаман, кутиб ўтира олмайман. Менга фақат рақибнинг номи ва жанг ўтказиладиган жой керак.
Анкалаев — бизнинг дивизиондаги энг кучли жангчи. Унинг Перейрага қарши мағлубиятига келсак, бу шунчаки омадсиз кун эди.
Магомед ҳамон хавфли ва жуда кучли жангчи бўлиб қолмоқда. Шунинг учун ҳам бир рақиб вазн ташлаш кераклигини айтади, бошқаси парвоз узоқлигини баҳона қилади, яна бири эса кино кўриб, пляжга боришни хоҳлайди.
Менга эса рақибнинг ким экани ва жанг ўтказиладиган жойнинг ўзи кифоя. Ушбу жанг орқали ҳаётимни ўзгартиришга ҳаракат қиламан», — деди Гусков.
Маълумот ўрнида, Магомед Анкалаев ва Богдан Гусков 25 июл куни Абу-Дабида бўлиб ўтадиган UFC турнирининг асосий жангида октагонга чиқади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади