Гакпо учун курашга «Сити» ҳам қўшилди, «Тоттенҳэм» эса иккинчи таклифни тайёрламоқда

«Тоттенҳэм» Коди Гакпо трансфери бўйича ишларни давом эттирмоқда.

Soccernews маълумотларига кўра, яқинда Лондон клуби нидерландиялик вингер учун 60 миллион фунт стерлинг миқдорида расмий таклиф берган, аммо мерсисайдликлар буни рад этган. Шунга қарамай, «тақачилар» футболчини қўлга киритиш ниятидан қайтмаган ва янги таклиф тайёрламоқда. Жамоа бош мураббийи Роберто Де Зерби 27 ёшли вингерни жамоага олиб келишни қатъий талаб қилмоқда.

«Қизиллар» Гакпони фақат янги таклиф молиявий жиҳатдан анча катта қийматга эга бўлган тақдирдагина сотишлари мумкин. Бундан ташқари, клубнинг ўзи ҳам аввал яна бир ҳужумкор футболчи билан шартнома имзолашни хоҳламоқда.

Таъкидланишича, Коди учун курашга «Манчестер Сити» ҳам қўшилган. «Шаҳарликлар» футболчининг вакилларига ўз қизиқишлари ҳақида маълум қилган, аммо ҳали «Ливерпул» билан боғланишмаган. Бу маълумотни Фабрицио Романо ҳам тасдиқлади.

Шу билан бирга, «Тоттенҳэм»дан фарқли ўлароқ, «Сити» нидерландиялик ўйинчини асосий таркибдан кафолатланган ўринга эга футболчи сифатида кўрмаяпти. Уни таркибни кучайтириш ва захира вариантларини кўпайтириш мақсадида сотиб олишлари мумкин.