«Барселона» футболчиларининг айримлари бош мураббий Ҳанс-Дитер Флик жорий этган тартибдан норози. Бу ҳақда журналист Хави Эрнандес Наварро хабар берди.
Норозилик германиялик мутахассиснинг ўйинлар олдидан жамоани меҳмонхонада жамлаш талабига тааллуқли.
Жамоадаги айрим ўйинчиларнинг фикрича, меҳмонхонада узоқ вақт қолиш жисмоний ҳолатга салбий таъсир қилиши мумкин. Бундан ташқари, зич тақвимда йиғинлар футболчиларни оиласидан узоқда кўпроқ ушлаб туради.
Флик эса ўз ёндашувини тўғри деб ҳисоблайди ва ушбу талабдан воз кечишни режалаштирмаяпти. Мутахассис жамоа ўйин олдидан меҳмонхонада бўлиши керак деган қоидага содиқ қолмоқчи. Бу борада мураббий ва футболчиларнинг қарашлари бир-биридан фарқ қилмоқда.
Маълумот ўрнида, «Барселона» 31 октябрдан 1 ноябрга ўтар кечаси Ла Лига доирасида «Алавес»ни ўз майдонида қабул қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади