«Манчестер Юнайтед» яримҳимоячиси Бруну Фернандеш жамоа билан шартномани узайтириш бўйича яхшиланган таклифни рад этди. Бу ҳақда журналист Саша Таволиери хабар берди.
Манбага кўра, инглиз клуби португалиялик 30 ёшли футболчига маошини йилига 500 минг еврога оширишни таклиф қилган. Бироқ бу миқдор Фернандешни янги шартнома имзолашга ишонтириш учун етарли бўлмаган.
Футболчининг «қизил иблислар» билан амалдаги шартномаси 2027 йилнинг ёзига қадар мўлжалланган.
Маълумот учун, Фернандеш манкунианлар сафида 2020 йил январидан буён ҳаракат қилмоқда. Ўтган мавсумда у барча турнирлар доирасида 37 та учрашувда иштирок этиб, 9 та гол ва 22 та голли узатма амалга оширди.
Transfermarkt портали футболчининг бозор қийматини 35 миллион евро деб баҳоламоқда.
