Англия миллий жамоаси ва «Манчестер Юнайтед»нинг собиқ ҳимоячиси Рио Фердинанд ҳужумчи Криштиану Роналдунинг Португалия сафидаги фаолиятини якунлаш қарори ҳақида ўз фикрларини билдирди.
«Роналдугача Португалия миллий жамоасида Фигу, Кошта ва бошқа футболчилар бор эди. Ундан ҳам олдин Эйсебио ўйнаган. Аммо уларнинг ҳеч бири Португалияни КриРо каби юксак даражага олиб чиқа олмади. У ўз мамлакатини жаҳон харитасига олиб чиқди.
Роналду ҳатто бу мамлакатга қизиқмаган инсонларнинг ҳам эътиборини Португалияга қаратди. Футбол нималарга қодирлигини қаранг-а!» — деди собиқ ҳимоячи ўзининг YouTube каналида.
41 ёшли футболчи Португалия миллий жамоаси жамоаси сафида 234 та ўйин ўтказиб, 146 та гол урган. У Европа чемпиони ва Миллатлар лигасининг икки карра ғолиби ҳисобланади.
Фердинанд: «Эйсебио ва Фигу бор эди, аммо уларнинг ҳеч бири Португалияни Роналду каби танитмаган»
Футбол
6 ноябр, 03:40
21
«МЮ» собиқ ҳимоячиси миллий жамоадаги фаолиятини якунлаган ҳужумчини эътироф этди.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади