«Ан Наср» ҳужумчиси Криштиану Роналду Португалия миллий жамоаси сафида хайрлашув учрашувини ўтказишдан бош тортгани айтилмоқда. Бу ҳақда Португалиянинг Observador нашри хабар берди.
Манбага кўра, 41 ёшли футболчи миллий жамоа бош мураббийи Жорже Жезуш билан мулоқот қилишни ҳам истамаётгани хабар қилинди.
Аввалроқ Португалия футбол федерацияси Роналдунинг миллий жамоадаги фаолиятини муносиб тарзда якунлаш мақсадида тантанали хайрлашув маросими ташкил этилишини эълон қилган эди.
Федерация вакиллари бундай буюк футболчини махсус тадбирсиз кузатиб қўйиш мумкин эмаслигини таъкидлашган.
Бироқ манбага кўра, Роналду хайрлашув учрашувида иштирок этишга қизиқиш билдирмаяпти. Шу билан бирга, у Жорже Жезуш билан қайта мулоқот қилиш ниятида эмас.
Агар вазият ўзгармаса, Криштианунинг Португалия миллий жамоаси либосидаги сўнгги ўйини Миллатлар лигасида Уэлсга қарши кечган баҳс бўлиб қолади.
Эслатиб ўтамиз, Роналду миллий жамоада 2003 йилдан буён ўйнаб келаётганди. Бу вақт давомида у 234 ўйинда майдонга тушиб, 146 гол урди – бу миллий жамоалар сафида урилган голлар бўйича жаҳон рекорди ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади