Того миллий жамоаси базасида жиддий кескинлик юзага келди. Матбуот анжумани вақтида бош мураббий Патрис Невё журналистлардан бири билан қизғин баҳсга киришди. Жанжал ҳатто муштлашишга айланишига бир бахя қолди.
Франциялик мутахассиснинг бундай муносабатига журналистнинг Тогонинг амбициялари ва унинг қўл остида жамоа эришиши керак бўлган мақсадлар ҳақидаги саволи сабаб бўлди. Ушбу савол мураббийга ёқмади. Натижада баҳс тобора кескинлашиб, охир-оқибат иштирокчиларни шокка солган ҳолат юзага келди.
Того миллий жамоаси бош мураббийи савол берган журналист томон юриб бориб, унга таҳдидли гаплар айта бошлади. Бу эса можаронинг жисмоний тўқнашувга айланиши мумкинлиги борасида хавотир уйғотди.
«Ўрнингдан тур, мен ҳам тураман», — дея мураббийнинг сўзларидан иқтибос келтиради RMC Sport нашри. Ушбу жумлалар ўша пайтдаги кескин вазиятни яққол ифодалайди.
Того бош мураббийининг журналист билан муштлашиб кетишига бир бахя қолди
Футбол
6 ноябр, 04:05
Матбуот анжумани вақтида кескин баҳс юзага келди.
Foto: Getty Images
