«Абадий қалбимдасан» — Сколари Роналдунинг хайрлашуви ҳақида

Португалиянинг собиқ бош мураббийи Луис Фелипе Сколари Криштиану Роналдунинг миллий жамоадаги фаолиятини якунлаш ҳақидаги қарорига муносабат билдирди.

«Роналду, баракалла! Сен хотиржамсан ва тўғри қарор қабул қилдинг. Сен Португалия ҳеч қачон унутмайдиган спортчилардан бири бўлдинг. Дўстинг ва сенга қойил қоладиган инсон сифатида мен ва жамоадошларингга қилган барча ишларинг сабаб сени ҳеч қачон унутмайман.

Сен ҳақингда фақат мен яхши фикр билдирмаганимни ҳам айтмоқчиман. Муртоз (Сколарининг собиқ ёрдамчиси) ва ёшлар бўлимидаги Руи бизга Роналду исмли футболчи ҳақида сўзлаб беришган эди. Айнан Муртоз туфайли биз Роналду билан танишдик. У эса ҳақиқатан ҳам буюк инсон ва ажойиб футболчи бўлиб чиқди.

Криштиану мен мураббийлик қилиш насиб этган энг яхши футболчилардан бири эди. Нафақат футболчи сифатида, балки инсон сифатида ҳам. У биз ундан нимани талаб қилган бўлсак, барчасини бажарарди. Ўзи истаган барча ютуқларга эришди, чунки бунинг учун астойдил меҳнат қилди. Унинг иқтидори доимо ўртачадан юқори бўлган.

У бутун фаолиятим давомида бирга ишлаган энг яхши профессионал футболчилардан бири эди. Унинг шундай қарор қабул қилганидан хурсанд ва мамнун эканимни катта мамнуният билан айта оламан.

У менинг қалбимда абадий қолади. Португалия, у ерда учратган инсонларим ва мулоқот қилиш насиб этган барча кишилар билан бир қаторда, у ҳам доимо ёдимда бўлади.

Сени қучоқлаб қоламан, Роналду! Барча эзгу тилакларим сен билан», — деди Сколари.

Эслатиб ўтамиз, 41 ёшли ҳужумчи Португалия миллий жамоасидаги дебютини айнан бразилиялик мутахассис қўл остида ўтказган.