«Тоттенҳэм» ҳимоячиси Жед Спенсга «Эвертон» жиддий қизиқиш билдирмоқда. Бу ҳақда The Athletic нашри хабар берди.
Хабарларга кўра, Ливерпул клуби англиялик 25 ёшли футболчини ўнг қанот ҳимоясини кучайтириш учун энг муносиб номзодлардан бири деб ҳисобламоқда.
Шу билан бирга, «Эвертон»нинг қисқа рўйхатидан «Арсенал» ҳимоячиси Бен Уайт ҳамда Франциянинг «Страсбур» клуби футболчиси Гела Дуэ ҳам ўрин олган.
Маълумот учун, Спенс ўтган мавсум барча турнирларда 44 та учрашувда майдонга тушган. «Эвертон» ўтган мавсум Англия Премер-лигасини 13-ўринда якунлаган.
