Чемпионлар лигаси умумий босқичининг 4-туридан ўрин олган барча баҳслар «Тенерифе» футболчиси Хесус де Мигел хотирасига бир дақиқалик сукут билан бошланади. Бу ҳақда УEФА матбуот хизмати расмий сайтида маълум қилди.
Шунингдек, ушбу ҳафтада Европа лигаси ва Конференциялар лигаси баҳслари ҳам бир дақиқалик сукут билан бошланади. УEФА президенти Александер Чеферин марҳум футболчининг оиласи ва яқинларига ҳамдардлик билдирган.
Маълумот учун, Хесус де Мигел Испания Сегундасининг 12-тури доирасида «Андорра»га қарши баҳсда (2:2) рақиб дарвозабони Хесус Овоно билан тўқнашиб кетган. Тўқнашув вақтида ҳужумчининг кўкрак қисмига зарба теккан ва унинг юраги тўхтаб қолган. Футболчи шифохонага олиб кетилган, бироқ унинг ҳаётини сақлаб қолишнинг имкони бўлмаган.
Эслатиб ўтамиз, «Тенерифе» Хесус де Мигелнинг вафоти ҳақидаги расмий хабарни бугун, 3 ноябр куни эълон қилган эди.
