«Реал» вингери Ян Диоманде жамоага ўтиши ҳақида фикр билдирди.
«Моуриниога раҳмат айтмоқчиман. Аввалроқ у билан суҳбатлашган эдик. Жозе ва клубнинг ишончи сабаб «Реал» либосини кийдим. Менга ишонч билдирганларга миннатдорчилик билдираман. Кийиниш хонасида топ-футболчиларнинг бўлиши ҳар доим яхши. Илгари уларни телевизор орқали кўрардим, энди эса бир кийиниш хонасида улар билан бирга ўтираман.
Бу ерда ҳамма нарса ажойиб. Ҳа, бу ерда ҳамма нарса бошқача. Бу ерда рақобат ва талаблар юқори. Бу табиий, чунки «Реал» — катта клуб. Шунинг учун дунёнинг энг яхши жамоаси бўлиш учун бошқа жойларга қараганда кўпроқ меҳнат қилишимиз керак. Жамоанинг бир қисми бўлишни ва унинг катта муваффақиятларга эришишига ёрдам беришни хоҳлайман.
«Реал» сенга қўнғироқ қилса, «йўқ» дея олмайсан. Ҳаммаси оддий. Бу клуб билан катта муваффақиятларга эришишни ва жамоамга барча совринларни қўлга киритишда ёрдам беришни истайман. Жамоа билан кўплаб ғалабаларга эришишимизга умид қиламан», — дея Диоманденинг сўзларидан келтиради клуб расмий сайти.
