Мадриднинг «Реал» клуби «Арсенал» ва Испания миллий жамоаси яримҳимоячиси Мартин Субименди учун курашмоқчи эмас, деб хабар бермоқда Transfer News Live.
Аввалроқ мадридилклар «Манчестер Сити» яримҳимоячиси Родри трансфери масаласида омадсизликка учрагани туфайли, клуб эътиборини Мартин Субимендига қаратиши ҳақида миш-мишлар тарқалди. Бироқ Субименди билан шартнома имзолаш «Реал» режаларига кирмайди.
Таъкидланишича, Жозе Моуринио аслида яримҳимояни Родри билан кучайтиришни мақсад қилган, лекин юзага келган вазиятда жамоадаги бор футболчиларга ишонч билдиришни маъқул деб ҳисобламоқда.
Маълумот учун, Мартин Субименди 2025 йил ёзида «Арсенал» сафига бориб қўшилган. Инглизлар футболчи учун 65 млн евро тўлаган. Испания миллий жамоаси вакилининг «тўпчилар» билан амалдаги шартномаси 2030 йил ёзигача мўлжалланган.
Transfermarkt портали Субимендининг актуал трансфер нархини 75 млн еврога баҳоламоқда. АҚШ, Канада ва Мексикада ўтган мундиал финалида Аргентинани (1:0) мағлубиятга учратиб, яримҳимоячи Испания миллий жамоаси сафида чемпионликни қўлга киритди.
