«Тоттенҳэм» Роберто Де Зербини жамоа бош мураббийи этиб тайинланганини расман эълон қилди. Бу ҳақда клуб ижтимоий тармоқлар орқали маълум қилди.
Клуб баёнотига кўра, мутахассис билан узоқ муддатли шартнома имзоланган. Аввалроқ келишув 5 йилга мўлжаллангани ҳақида хабарлар тарқалганди.
Маълумот учун, Де Зерби аввал Англия Премер-лигасида «Брайтон»ни бошқарган. Унинг сўнгги иш жойи Франциянинг «Марсел» клуби бўлиб, у 2026 йил феврал ойида жамоани тарк этган. Шунингдек, италиялик мутахассис «Шахтёр», «Сассуоло», «Беневенто» ва «Палермо»да ҳам фаолият олиб борган.
Эслатиб ўтамиз, 29 март куни «Тоттенҳэм» Игор Тудор билан хайрлашган эди. У 14 февралда тайинланган бўлиб, 2025/2026 йилги мавсумда клубни бошқарган учинчи мураббийга айланганди. Ундан аввал жамоа Томас Франк ва Анге Постекоглу билан ҳам ҳамкорликни якунлаган.
