«Tottenhem» Roberto De Zerbini jamoa bosh murabbiyi etib tayinlanganini rasman e’lon qildi. Bu haqda klub ijtimoiy tarmoqlar orqali ma’lum qildi.
Klub bayonotiga ko‘ra, mutaxassis bilan uzoq muddatli shartnoma imzolangan. Avvalroq kelishuv 5 yilga mo‘ljallangani haqida xabarlar tarqalgandi.
Ma’lumot uchun, De Zerbi avval Angliya Premyer-ligasida «Brayton»ni boshqargan. Uning so‘nggi ish joyi Fransiyaning «Marsel» klubi bo‘lib, u 2026-yil fevral oyida jamoani tark etgan. Shuningdek, italiyalik mutaxassis «Shaxtyor», «Sassuolo», «Benevento» va «Palermo»da ham faoliyat olib borgan.
Eslatib o‘tamiz, 29 mart kuni «Tottenhem» Igor Tudor bilan xayrlashgan edi. U 14 fevralda tayinlangan bo‘lib, 2025/2026-yilgi mavsumda klubni boshqargan uchinchi murabbiyga aylangandi. Undan avval jamoa Tomas Frank va Ange Postekoglu bilan ham hamkorlikni yakunlagan.
