«Манчестер Сити» «Челси» вингери Педру Нетуни ўз сафига қўшиб олишга қизиқмоқда. Инсайдер Фабрицио Романонинг хабарига кўра, «шаҳарликлар» португалиялик футболчи учун «Челси» талаб қилаётган суммадан анча кам таклиф юборишга тайёр.
Бироқ Лондон клуби ўз талабларини пасайтириш ниятида эмас. Шу сабабли томонлар ўртасидаги музокараларнинг ижобий якунланиш эҳтимоли ҳозирча юқори эмас.
Педру Нету «Манчестер Сити»га ўтган тақдирда аввал «Челси»да бирга ишлаган бош мураббий Энцо Мареска билан яна ҳамкорлик қилиши мумкин.
Маълумот учун, 26 ёшли футболчининг «Челси» билан амалдаги шартномаси 2031 йилнинг ёзигача амал қилади. Тransfermarkt унинг бозор қийматини 60 миллион евро деб баҳоламоқда.
Эслатиб ўтамиз, Нетуга «Арсенал», «Ливерпул» ва «Тоттенҳэм» клублари ҳам қизиқиш билдираётгани ҳақида хабарлар тарқалган.
