«Борнмут» бош мураббийи Андони Ираола «Челси»дан истеъфога чиқарилган Лиам Росениор ўрнига асосий номзод ҳисобланмоқда. Бу ҳақда TalkSPORT нашри хабар берди.
Эҳтимолий номзодлар рўйхатида «Нюкасл»дан Эдди Ҳау, «Порту»ни бошқараётган Франческо Фариоли, шунингдек Филипе Луис ва Эдин Терзич ҳам бор. Бироқ Ираола ёзда доимий равишда тайинланиши мумкин бўлган асосий вариант сифатида кўрилмоқда.
Испаниялик мутахассис мавсум якунида ҳозирги клубини тарк этишини аллақачон эълон қилган. Аввалроқ у «Кристал Пэлас» таклифини рад этганди.
